Përmbledhja me poezi dhe fjalë të urta “A=B” e autorit Erdi Shatri shënon edhe një sukses të radhës në kultivimin e dy zhanreve dhe me një kombinim interesant. Libri përmban tema të ndryshme nga përditshmëria që përkojnë me dëshirat dhe pozicionin që ka ai në shoqëri. Poezitë janë të punuara me kujdes dhe me një fjalor të zgjedhur duke mos e bëjnë autorë të ndryshëm sot. Erdi preferon strofën katërshe me rimën AA BB që zakonisht e pëlqejnë shumë edhe lexuesin. Ka mjaft figuracion brenda poezive, por dominon metafora dhe krahasimi që i japin shije të gjitha poezive. Libri përcjell shumë mesazhe tek bota e lexuesve duke u dhënë kahe gjykimeve pozitive në formimin e personalitetit rinor dhe duke i bërë ata një kritik kompleks në ndesh vënie me realitetin e hidhur të shoqërisë aktuale. Përgjithësish kemi një qasje pozitive dhe një gërshetim të poezisë dhe prozës. Edhe fjalët e urta bartin mesazhe të llojllojshme për jetën, rininë, dhe vizionin e shoqërisë e veçanërisht rinisë, së cilës i përket autori.
 
Fatmir Sh. Mehmeti