Mirë se vini në komunitetin tonë të leximit!
Të dashur dashamirës të librave,po e hapim zyrtarisht këtë grup komunikimi me një qëllim të thjeshtë: Të ndajmë njohuri, libra dhe ide mes nesh.
Ditët e fundit kemi marrë shumë mesazhe rreth kërkesave për libra, sugjerimeve për lexim, apo shkëmbimeve mes lexuesve – gjë që na gëzon pafund! Por për shkak të mungesës së stafit aktiv në këtë fazë, nuk kemi mundësi t’i kthejmë të gjitha mesazhet me kohë.
Prandaj ky grup është hapur që ju vetë të mund të ndihmoni njëri-tjetrin:
në kërkimin e librave,
ndarjen e sugjerimeve,
dhurimin ose ndërrimin e librave në gjuhën shqipe.
dhe mbi të gjitha, krijimin e komunikimit të gjallë rreth librave, ku secili mund të ndajë mendimet e veta.
Ne do të mundohemi ta monitorojmë herë pas here grupin dhe të ndërhyjmë kur është nevoja.Por fuqia e këtij komuniteti është bashkëpunimi mes jush.
Këtu mund të bëni:
Postime për libra që keni dhe doni t’i dhuroni
Pyetje si: “A e ka dikush këtë libër?”, “Çka më sugjeroni të lexoj?”
Mendime, komente dhe diskutime mbi leximin dhe librat
Jeni të lirë të krijoni miqësi të reja dhe të ndihmoni njëri-tjetrin!
Vetëm një kërkesë:Respektoni njëri-tjetrin dhe qëndroni në temë – ky grup është vetëm për libra dhe lexim.
Gëzuar fillimin e një kapitulli të ri në rrugëtimin tonë letrar!Faleminderit që jeni pjesë e Librashqipe.com!